2024-03-21
Psalm 84:8 NLV
Die frase ‘ontdek jou sterkpunte’ is deur die navorser Marcus Buckingham in wat na verwys word as die ‘Strengths Movement,’ beroemd gemaak. Dit verg van ons om op te hou om op ons swakpunte te fokus en ons sterkpunte te ontwikkel – wat God se ontwerp reflekteer. God het nie gesê: ‘Moses, jou vakmanskapvaardighede is swak. Jy moet vir ‘n ruk ophou om die mense te lei en probeer om meer soos Besaleël te word’ nie (sien Eksodus 31:1-5). ‘n Sterkpunt is ‘n aktiwiteit wat jou sterk laat voel wanneer jy dit doen.
Sekere aktiwiteite sal jou opgewonde maak en jou uitdaag; ander sal jou verveel en jou dreineer. Sodra jy hierdie aktiwiteite ontdek, is jy nie bloot besig met ‘loopbaanbeplanning’ nie, jy erken God se handewerk en jou eie kernsterkpunte. Dis belangrik dat jy dit doen, want jou lewe is die klein deel van die skepping waaroor God jou aangestel het.
Dorothy Sayers het gesê: “‘n Mens werk nie om te lewe nie, maar lewe om te werk. Dit is, of dit behoort te wees, die volle uitdrukking van die werker se vermoëns, die aktiwiteit waarin hy geestelike en liggaamlike bevrediging vind en die medium waarin hy homself aan God bied.”
Wat as jou werk nie jou behoeftes vervul of jou Godgegewe gawes gebruik nie? Soms vereis noodsaaklikheid dit. Dis hoekom die Bybel sê: ‘Doen met toewyding alles wat jou hand vind om te doen…’ (Prediker 9:10 NLV). Bid intussen vir nuwe geleenthede, berei jouself voor en doen vrywillige werk in ‘n gebied wat jou sterkpunte benut. Soms is mense wat nie hul werk geniet nie, ellendig en maak hulle almal rondom hulle ook ellendig. God verwag egter beter van jou!
Sielskos: 2 Kon 24-25; Matt 26:1-25; Ps 19; Spr 8:6-7
2024-03-20
Johannes 13:3-4 NLV
Wanneer dit daarby gekom het om ander te dien, het Jesus eerste gegaan. “Hy het toe van die tafel af opgestaan, sy boklere uitgetrek, ‘n doek gevat en dit om Hom vasgebind. Daarna het Hy water in ‘n wasskottel gegooi en begin om die dissipels se voete te was en af te droog… Hy kom toe by Simon Petrus, wat vir Hom sê: ‘Here, gaan U mý voete was?'” (verse 4-6 NLV). As jy ander mense wil dien, moet jy jou beeld, jou gemak en jou agenda eenkant toe skuif. Deur sy boklere uit te trek en eenkant te sit, het Jesus gedemonstreer dat God nie tyd vir mode of giere het nie.
Ware bediening is nie beeldbewus nie; dit word met die volledige verontagsaming om onderskeid tussen mense te tref, gepaard. Petrus het dit egter nie besef nie! Hy was verleë om te dink dat Jesus Homself in so ‘n vernederende lig sou stel. Dus het Jesus gesê: ‘Julle noem My Leermeester en Here… As Ek dan, wat julle Here en Leermeester is, julle voete gewas het, moet julle ook mekaar se voete was. Ek het vir julle ‘n voorbeeld gestel, en soos Ek vir julle gedoen het, moet julle ook doen… As julle hierdie dinge insien en julle eie maak, sal julle gelukkig wees as julle dit ook doen’ (verse 13-15, 17 NLV).
Daar is sekere dinge in jou lewe wat jy eenkant moet sit om sodoende ander mense te dien en God se wil te doen. As jy geseënd wil wees, moenie aansluit by diegene wat in hul eie toesprake verheug is en wat hul eie prestasies uitbasuin nie. Sit alles waarin jy privaat roem opsy en tel die handdoek van diensbaarheid op. Moenie vir iemand anders wag om dit te doen nie. Gaan jy eerste!
Sielskos: 2 Kon 21-23; Matt 25:24-46; Ps 11; Spr 8:4-5
2024-03-19
Galasiërs 1:18 NLV
God se leiding sal dikwels deur ‘n seisoen van voorbereiding gevolg word. Die lengte van daardie seisoen word deur die grootte van jou opdrag bepaal. Wanneer God dus met jou praat, is dit nie altyd wys om dit dadelik vir almal te gaan vertel nie. Wie sal nie oor die wonderbaarlike ervaring wat Paulus met Christus op die Damaskuspad gehad het, wil praat nie? Daar sou ‘n regte tyd kom vir Paulus om daaroor te praat, maar nie direk daarna nie. Moet dus nie beweeg tot God vir jou die groen lig gee nie. Hoekom nie?
Om twee redes: 1) Jy het tyd nodig om volwasse en toegerus te word sodat jy die woord wat jy ontvang het, in jou kan laat wortel skiet, groei en op die manier wat God wil hê, kan vervul. 2) Soms neem God tyd om die mense na wie Hy jou toe stuur, se harte voor te berei. Paulus skryf: ‘…Ek het nie dadelik met mense gepraat nie. Ek het ook nie na Jerusalem toe, na hulle wat voor my apostels was, gegaan nie. Nee, ek het Arabië toe gegaan en van daar af teruggekom Damaskus toe. Eers drie jaar later is ek Jerusalem toe om Petrus te ontmoet…’ (verse 16-18 NLV).
Paulus het geweet dat mense nie sy bediening sou glo nie, dus het hy die wysheid gehad om te wag. Hy het God toegelaat om voor hom uit te gaan en die situasie voor te berei. Terwyl hy gewag het, het hy die Woord wat hy ontvang het toegelaat om te groei en veranderinge in sy lewe te maak. Toe eers het hy begin doen wat hy geroep is om te doen. Paulus het nie enigiemand probeer oortuig nie; hy het dit aan God oorgelaat. Wat was die eindresultaat? ‘En hulle het God oor my geprys’ (vers 24 NLV).
Sielskos: 2 Kon 18:17-20:21; Matt 25:1-23; Ps 115; Spr 8:1-3
2024-03-18
1 Johannes 2:27 DB
Wanneer jy ywerig bid en glo dat jy van God gehoor het, maar dan vir ander mense begin vra wat hulle daaroor dink, eer jy hulle opinies bo God s’n. Hierdie tipe ingesteldheid sal jou daarvan weerhou om ‘n verhouding waar jy konstant van Hom hoor, te ontwikkel. Jy moet Hom vertrou. As jy slegte besluite in die verlede gemaak het, kan dit moeilik wees. Jy moet egter leer om na God te luister, sonder om aanhoudend by ander mense gerusstelling te kry. Die Bybel sê: ‘…sy Gees het by julle kom bly… Niemand moet julle dus allerhande dinge kom wysmaak of probeer leer nie. Die Heilige Gees is julle onderwyser en gids in alles wat waar is… Steur julle daarom aan niks en niemand anders nie, behalwe aan die Gees en wat Hy julle geleer het (vers 27 DB).
Dit beteken nie dat jy nie onderrig in God se Woord nodig het nie; dit beteken dat jy God se Gees het wat in jou woon en wat jou persoonlik sal rig en lei. Dit mag dalk nodig wees dat jy van tyd tot tyd iemand vir raad vra, maar jy hoef nie aanhoudend na ander mense te gaan en hulle opinies oor die besluite wat jy in jou lewe maak, te vra nie.
As jy ooit die vermoë om na God te luister en deur sy Gees gelei te word wil ontwikkel, moet jy jou eie besluite begin maak – en die wysheid wat God in jou hart geplaas het, begin vertrou. Die duiwel wil jou laat dink dat jy nie in staat is om God se stem te hoor nie. Moenie hom glo nie. Die Gees wat in jou woon sal vir jou vertroue, vertroosting en raad vir jou lewe gee. Leer dus om na Hom te luister.
Sielskos: 2 Kon 16:1-18:16; Matt 24:29-51; Ps 26; Spr 7:26-27
2024-03-17
Jesaja 1:19 NLV
Mense dink dat hulle nie vir God kan hoor nie, wanneer die realiteit egter is dat daar dinge is wat hulle reeds weet waarop God wil hê hulle moet reageer en tot sover het hulle dit nie gedoen nie. Hoe vinniger jy doen wat ook al die Here vir jou gesê het om te doen, hoe gouer sal Hy die volgende stap aan jou openbaar. Sy belofte is: ‘As julle My maar net gehoorsaam… sal julle baie hê om te eet.’
Om God te kan hoor is iets wat jy net met oefening kan ontwikkel – veral as jy meer daarvan hou om te praat! Dis hoekom Hy sê: ‘Wees stil en weet Ek is God!..’ (Psalm 46:11 NLV). Ons vlees is vol energie; ons wil altyd besig wees om iets te doen en dit kan moeilik vir ons wees om stil te wees. Moenie net met God praat as jy iets nodig het nie, bestee tyd om ook te luister. Hy sal baie kwessies vir jou oplos as jy net sal stil word voor Hom.
Jy sê: ‘Ek dink nie ek het God al ooit met my hoor praat nie.’ Miskien omdat jy nog nie geleer het om te luister nie! Selfs al reageer Hy nie op daardie presiese oomblik nie, kan jy seker wees dat Hy wel sal. Jy mag dalk besig wees om ‘n gewone taak te verrig wanneer Hy met jou praat. Miskien doen jy dinge al vir jare op jou eie manier. As dit die geval is, moenie mismoedig voel nie; dis nooit te laat om van rigting te verander nie. As jy gewillig is om God te gehoorsaam, sal Hy jou op die opwindende reis om elke dag van jou lewe van Hom te hoor, lei.
Sielskos: Gal 5:22; 1 Kor 13; Ef 3:14-21; Joh 15:1-17
2024-03-16
Johannes 16:13 NLV
Jesus het vir sy dissipels gesê: ‘Ek het nog baie dinge om vir julle te sê, maar julle kan dit nie nou hanteer nie. Wanneer Hy ook al kom, die Gees van die waarheid, sal Hy julle begelei in die volle waarheid…’ (verse 12-13 NLV). Jesus het hierdie woorde vir die dissipels saam met wie Hy die vorige drie jaar deurgebring het, gesê. Sou jy nie dink dat as Jesus in persoon by ons was, dag en nag vir drie jaar lank, sou ons alles geleer het wat daar is om te weet nie? Nee. Jesus sal inderwaarheid iets vir ons sê oor elke nuwe situasie waarvoor ons te staan kom. Daar is sekere dinge wat Hy egter net aan jou sal openbaar wanneer Hy weet dat jy gereed is om dit te hanteer.
God wil met jou op ‘n een-tot-een basis praat, om jou tree vir tree tot by die goeie dinge wat Hy vir jou in gedagte het, te lei. Hy gee vir die kleinste detail van jou lewe om. Moet dus nooit huiwer om die klein dinge na Hom toe te neem nie – alles is immers klein vir God! Hy gee vir die begeertes van jou hart om. Hy wil vir jou die waarheid wat jou vry van vrees en bekommernis sal maak, openbaar.
Sy plan om ‘n intieme verhouding met jou te deel was lank voor jy gebore is, reeds in plek. ‘…Hy het die tye van hulle bestaan bepaal, en die grense van hulle blyplek. God se doel met die nasies was om Hom te soek…’ (Handelinge 17:26-27 NLV). Dink nou daaroor: As God jou lewe voor jy gebore was al in sulke klein detail beplan het, is dit nie belangrik vir jou om te leer om na Hom te luister nie?
Sielskos: 2 Kon 13-15; Matt 24:3-28; Ps 24; Spr 7:24-25
