Persoonlike groei (1)


2021-01-24
Spreuke 3:13 NLV

Hier is drie redes hoekom ons nie persoonlike groei ervaar nie:

1) Ons dink dit vind slegs deur ervaring plaas. Om te glo dat persoonlike groei slegs deur ervaring plaasvind, is soos ‘n boogskutter wat telkens die teiken mis, maar glo dat hy verbeter omdat hy eenvoudig aanhou pyle afvuur. Ervaring is slegs winsgewend wanneer jy daaruit leer en begin om jou teiken te tref. Moenie jou lewe eindig met spyt oor die tyd en geleenthede wat jy vermors het nie. Gebruik van vandag af elke geleentheid wat God vir jou gee om te groei.

2) Ons dink dat groei slegs deur informasie plaasvind. Het jy al ooit iemand geken wat absoluut briljant was, maar tog nooit iets kon bereik tot voordeel van God, hulself of ander mense nie? Hulle is soos ‘n ensiklopedie gevul met kennis wat geen waarde het nie, omdat dit nooit gebruik word nie. Die grootste struikelblok tot persoonlike groei is nie onkunde nie; dis die illusie van kennis! Die Bybel sê: ‘Julle moet mense word wat dóén wat die woord sê. Moet dit nie net aanhoor nie, dan bedrieg julle julleself’ (Jakobus 1:22 NLV).

3) Ons neem aan dat groei outomaties kom. Wanneer ons kinders is, vind groei outomaties plaas. Gedurende daardie tyd is daar ouers, afrigters en onderwysers wat ons op ‘n daaglike basis uitdaag om te groei, dus raak ons gewoond aan groei. Die probleem kom wanneer ons klaar is met skool en niemand ons druk om te groei of te vorder nie. Die prys van groei is altyd minder as die koste van onkunde en stilstand. Die waarheid is dat indien jy nie verantwoordelikheid vir jou persoonlike groei neem nie – sal dit nie plaasvind nie!

Sielskos: Dan 6:1-24; Hand 12:1-19

 Teken In




    Woord vir Vandag
    Word4U2day


    Inspireer hierdie boodskap jou?

    Verken ook ons ander dagstukkies...

    Engelse
    Dagstukkies

    Jeug
     Dagstukkies


    Notice: fwrite(): write of 432 bytes failed with errno=122 Disk quota exceeded in /home/thewopxs/public_html/wp-admin/includes/class-wp-filesystem-direct.php on line 75

    Notice: fwrite(): write of 8192 bytes failed with errno=122 Disk quota exceeded in /home/thewopxs/public_html/wp-content/plugins/wordfence/vendor/wordfence/wf-waf/src/lib/storage/file.php on line 43

    Fatal error: Uncaught wfWAFStorageFileException: Unable to verify temporary file contents for atomic writing. in /home/thewopxs/public_html/wp-content/plugins/wordfence/vendor/wordfence/wf-waf/src/lib/storage/file.php:52 Stack trace: #0 /home/thewopxs/public_html/wp-content/plugins/wordfence/vendor/wordfence/wf-waf/src/lib/storage/file.php(659): wfWAFStorageFile::atomicFilePutContents('/home/thewopxs/...', '<?php exit('Acc...') #1 [internal function]: wfWAFStorageFile->saveConfig('synced') #2 {main} thrown in /home/thewopxs/public_html/wp-content/plugins/wordfence/vendor/wordfence/wf-waf/src/lib/storage/file.php on line 52