Jy het doelgerigtheid en volharding nodig

Om jou beste lewe te lei, het jy twee dinge nodig – doelgerigtheid en volharding. As jy Hom vra, sal God jou help om dit te ontwikkel.

1) Kom ons kyk na doelgerigtheid. Op die geskiedkundige monument wat hulde aan die skrywer Jack London, wat die klassieke White Fang geskryf het, se lewe bring, staan die volgende woorde: ‘I would rather be ashes than dust! I would rather my spark burn out in a brilliant blaze than that it should be stifled by dry rot. I would rather be a superb meteor, every atom of me in magnificent glow, than a sleepy and permanent planet. The function of a man is to live, not to exist. I shall not waste my days trying to prolong them. I shall use my time.’ Om ‘n verskil in hierdie wêreld te maak, moet jy jou Godgegewe lewenstaak ontdek en jouself 100 persent daaraan toewy. Paulus het dit gedoen. ‘Al is my lewe kosbaar, ag ek dit van geen waarde as ek nie my lewenstaak en my bediening wat ek van die Here Jesus gekry het, kan klaarmaak nie: om die Goeie Nuus te verkondig dat God mense liefhet sonder dat hulle iets hoef te doen om dit te verdien.’

2) Kom ons kyk na volharding. Dit het sir Winston Churchill drie jaar geneem om graad agt te voltooi, omdat hy gesukkel het om Engels deur te kom. Tog het sy toesprake tydens die Tweede Wêreldoorlog Brittanje geïnspireer en opgesweep om te veg en teen alle verwagtinge in, te wen. Toe hy gevra is om die aanvangstoespraak by Oxford Universiteit te lewer, het hy die kortste toespraak bekend, gelewer – net agt woorde. ‘Moet nooit opgee nie! Moet nooit opgee nie!’ Hierdie woorde is die kern van doelgerigtheid en volharding.

Sielskos: Eks 25-27; Matt 6:9-18; Ps 71:17-24; Spr 2:3-5