Harmonie by die huis (2)

Hulle sê: ‘Die appel val nie ver van die boom af nie,’ en Jakob het dit verseker reg bewys. Aan die einde van sy lewe, toe hy moes begin voorberei het om sy seuns Simeon en Levi te seën, het hy vir hulle gesê: ‘Vervloek is [julle] woede…’ (Genesis 49:7 NLV). Hulle gedrag moes egter nie as ‘n verrassing gekom het nie. Die feit is dat Jakob hulle reeds deur sy eie voorbeeld gevorm het, toe hy sy eie pa (sien Genesis 27) en sy skoonpa (sien Genesis 30), om die bos gelei het. Sy ma het ook sy bedrog gefasiliteer. Gedragspatrone word van generasie tot generasie oorgedra.

Jou houdings en aksies sal jou kinders óf verwoes, óf seën. Die Woord van God sê: ‘Leer ‘n jongmens om die regte pad te kies, en wanneer hy eendag oud is, sal hy nie daarvan afwyk nie’ (Spreuke 22:6 NLV). Jou kinders kry meer as net jou gelaatstrekke by jou. Hulle eindig op met die waardes wat jy vir hulle geleer het en met die emosionele ingesteldheid wat jy vertoon het.

Moenie hulle by julle huweliksgeskille betrek nie. Die Bybel sê: ‘Moenie gou kwaad word nie; ergenis hoort by dwase’ (Prediker 7:9 NLV), en jou kinders is maklike teikens vir misplaaste woede. Selfs wanneer jou uitbarstings nie op hulle gerig is nie, ly hulle steeds onder die effek daarvan.

Jou baas wys jou byvoorbeeld by die werk tereg, dus kom jy by die huis soos ‘n beer met ‘n hoofpyn aan en veroorsaak dat almal jou vermy. Moenie toelaat dat jou woede amok maak nie. Koning Dawid het op die slagveld uitgeblink, maar by die tuisfront gesukkel. Dis dalk hoekom een van sy laaste Psalms as volg lees: ‘Sit ‘n wag voor my mond, Here, hou wag oor wat ek sê’ (Psalm 141:3 NLV).

Sielskos: 2 Kon 10-12; Mark 15:1-20; Ps 132:11-18; Spr 13:7-8