2017-11-28
1 Tessalonisense 2:13 NLV
Geestelik gesproke mag jy dalk nog nie so ver gevorderd wees as wat jy graag sou wou wees nie, maar dank God egter dat jy steeds op die pad is. Eens op ‘n tyd was jy ‘n vreemdeling vir God se genade, maar nou is jy lid van God se huis (sien Efesiërs 2:19). Paulus skryf, ‘…julle [het] Sy Woord aangeneem… Dié Woord is aan die werk in julle wat glo.’ Solank as wat jy God se Woord lees en glo, sal dit aanhoudend in jou werk. Jy sal ook vinniger volwasse word as jy leer om te ontspan en begin lewe volgens dit wat God se Woord oor jou sê, nie volgens hoe jy voel nie. Hoe jy jouself sien, affekteer jou geestelike vordering geweldig. Totdat jou konsep van jouself in lyn is met dit wat God in die Skrif oor jou sê, sal jy aanhou om jouself as ongekwalifiseerd en onwaardig te sien – wat jou geestelike groei sal belemmer. Toe God vir Jeremia gesê het dat Hy hom as profeet vir die nasies geroep het, het Jeremia God ingelig dat hy te jonk was, dat hy nie ‘n goeie spreker was nie, dat hy nie genoeg ervaring gehad het nie, ensovoorts. Hoe het God gereageer? ‘Ek ken jou nog voordat jy gevorm is… Voor jou geboorte al het Ek jou gekies en aangestel…’ (Jeremia 1:5 NLV). Hou dus op om jou te bekommer dat jy verwerp sal word wanneer jy nie perfek optree nie. Geniet waar jy nou is en hou op om jou met ander mense te vergelyk. Moenie bekommerd wees as hulle al verder as jy gevorder het nie. Hulle het deur presies dieselfde plekke beweeg om te kom waar hulle vandag is.
Sielskos: Gen 17-19; Joh 12:1-11; Ps 118:19-29; Spr 31:14-17
2017-11-27
1 Korintiërs 13:11 NLV
Mense met ‘n sterk geloof kan jou minderwaardig laat voel as jy jouself met hulle vergelyk. ‘n Bybelonderwyser skryf: ‘Ek het daardie geloofshelde bewonder wie se fleurige getuienisse almal geïnspireer het. Hulle het so veranderd, so seker van hulself, so stabiel voorgekom. Ek het gedink dat God se liefde volgens ‘n merietesisteem uitgedeel word. As ek vandag goed doen, sal Hy my liefhê. As ek misluk, sal Hy nie. Wat ‘n wipwarit! Ek het nie besef dat enigiets wat gebore word, tyd nodig het om te groei en in volwassenheid te ontwikkel nie. Ek het ‘n onmiddellike, kragtige, allesomvattende metamorfose verwag wat my in perfeksie sou transformeer.’ Voel jy dieselfde, asof daar iets verkeerd is met jou omdat jy nooit opmeet nie? Indien dit die geval is, lees die volgende: ‘Toe ek nog klein was, het ek gepraat soos ‘n kind, gedink soos ‘n kind, geredeneer soos ‘n kind. Maar noudat ek volwasse is, het ek die dinge van ‘n kind ontgroei.’ Jy begin as ‘n geestelike baba, dan word jy ‘n geestelike kind, dan ‘n geestelike tiener en uiteindelik word jy ‘n geestelike volwassene. Jy ‘arriveer’ egter nooit. Met jou doen-dit-jouself, vinnige geestelikheid sal jy net ander mense met ‘n valse sin van heiligheid probeer beïndruk. Dit sal jou keer om eerlik met God te wees en sal jou laat dink dat jy verder op jou geestelike reis is as wat jy regtig is. Onthou jy toe jy as kind jou ma se hoëhakskoene of jou pa se werkstewels aangetrek het? Maak nie saak hoe graag jy wou nie, jy kon hulle nie maak pas nie. Dit beteken nie daar was iets fout met jou nie; dit het net beteken dat jy op presies die regte plek vir jou ouderdom was.
Sielskos: Gen 13-16; Joh 11:45-57; Ps 118:10-18; Spr 31:10-13
2017-11-26
Galasiërs 6:9 NLV
‘n Konstruksiewerker het van die stellasie op die veertigste vloer van ‘n wolkekrabber afgeval. Soos hy verby die venster op die twintigste vloer geval het, het ‘n vrou in die kantoor uitgeroep, ‘Hoe gaan dit met jou?’ Die man het geantwoord, ‘So ver, heel goed!’ Op ‘n ernstiger noot, voel geestelike groei soms of ons twee treë vorentoe en drie treë terug neem. Dit is nie maklik nie, dis hoekom Petrus ons aanmoedig om nie moed te verloor nie. Oor die algemeen, kom jy nie agter dat jy fisies ouer word nie totdat jy ‘n vroeër foto van jouself sien. Dis dieselfde met geestelike groei; dis moeilik om te meet hoe ver jy al gekom het totdat jy terugkyk en sien waar jy was voor Jesus jou lewe omgedraai het. Die Bybel sê, ‘…Dis natuurlik die Here self, Hy wat Gees is, wat ons verander om al hoe meer te lyk en te leef soos Hy dit wil hê’ (2 Korintiërs 2:18 DB). Wanneer jy dus mismoedig is, herinner jouself daaraan dat jy op ‘n geestelike reis is, dat jy ten spyte van jou probleme vordering maak en dat die duiwel altyd op die uitkyk is vir maniere om jou te herinner hoe ver jy nog het om te gaan. Moenie na hom luister nie! Jesus het gesê, ‘…As hy sy mond oopmaak, lieg hy…’ (Johannes 8:44 DB). As jy mismoedig raak en opgee, wen satan. Die Bybel sê, ‘…Ons neem ook elke gedagte gevange om dit aan Christus gehoorsaam te maak’ (2 Korintiërs 10:5 NLV). Hou moed: Dit mag dalk nie altyd so lyk nie, maar jy word elke dag meer volwasse en sterker in Christus. Moet dus nie eers daaraan dink om tou op te gooi nie.
Sielskos: Eks 17:1-7; Joh 4:1-42
Galatians 6:9 NKJV
A high-rise construction worker slipped and fell from a scaffold forty floors up. As he was plummeting past the twentieth-floor window, a woman in an office shouted out, “How’re you doing?” The man replied, “So far, so good!” Seriously, some days spiritual growth feels like two steps forward and three steps back. It doesn’t come easily; that’s why Paul encourages us not to lose heart. Generally speaking, you don’t notice yourself getting older physically until you see an earlier photo, then it hits you. And it’s the same with spiritual growth; it’s hard to gauge how far you’ve come until you look back and see where you were before Jesus turned your life around. The Bible says, “As the Spirit… works within us, we become more…like Him” (2 Corinthians 3:18 TLB). But growing up involves growing pains! So when you get discouraged, remind yourself that you’re on a spiritual journey, you’re making progress in spite of your problems, and that the Devil will always look for ways to remind you how far you still have to go. Don’t listen to him! Jesus said, “Everything he says is a lie” (John 8:44 CEV). If you get discouraged and give up, Satan wins. The Bible says, “Capture…rebellious thoughts…teach them to obey Christ” (2 Corinthians 10:5 NLT). Learn to live beyond your feelings, to dig down inside to where God’s Spirit lives. And take heart: It may not always look like it, but each day you’re maturing and growing stronger in Christ. So don’t even think about quitting.
Soul food: Exo 17:1-7; John 4:1-42
2017-11-25
Handelinge 10:28 ABA
Uit ‘n Joodse oogpunt, was Kornelius, ‘n nie-Jood, ‘n slegte mens. Hy het die verkeerde kos geëet, met die verkeerde mense omgegaan en trou aan die verkeerde leier, Caesar, gesweer. Hy het nie die Tora aangehaal nie en hy was nie van Abraham afkomstig nie. Hy was onbesny, nie kosjer nie en onrein. Tog het hy vir geestelike voorligting gebid en was hy vrygewig teenoor die armes. Die Bybel sê hy het ‘…ontsag vir Hom gehad…. Hy het baie bydraes vir die armes onder die Joodse volk gegee en hy het deurentyd tot God gebid’ (vers 2 NLV). Tot op hierdie punt was die evangelie net aan die Jode oorgedra. God was egter op die punt om dit te verander. Hy het vir Petrus gebruik, een van die mees godsdienstige bevooroordelende mense wat jy ooit sal ontmoet. In ‘n visioen het God vir Petrus ‘n doek gewys wat uit die hemel neergesak het, vol van kos wat Jode verbied was om te eet. Petrus het geprotesteer, ‘Nooit nie, Here!.. Ek het nog nooit iets wat onrein is, geëet nie’ (vers 14NLV). Omdat Petrus nie dadelik verstaan het nie, is die doek drie maal laat sak. Uiteindelik het ‘n stem uit die hemel gesê, ‘…Wat God rein gemaak het, mag jy nie onrein ag nie’ (vers 15 NLV). Gevolglik het Petrus na Kornelius se huis gegaan en die evangelie daar gaan preek. Voordat hy hulle nog kon uitnooi om die evangelie aan te neem, het die Heilige Gees op almal daar teenwoordig neergekom, wat bevestig het dat dit God se wil was. Op daardie punt het Petrus verklaar, ‘…Maar God het vir my gewys dat ek nie mag sê dat iemand nie aan God gewy is óf dat hy onrein is nie.’ Laat God dit vir jou ook wys!
Sielskos: Gen 10-12; Joh 11:38-44; Ps 118:1-9; Spr 31:6-9
