Wees lief vir en geniet jou kinders

Dr James Dobson het een keer sy kinders op ‘n ski vakansie geneem. Om twee kinders wat luidkeels oor die koue kla en met mekaar baklei in toom te hou, was besig om op sy laaste senuwee te werk.

Op daardie vakansie het hy egter ‘n les geleer wat hy nooit sou vergeet het nie: ‘Nadat ek die kinders dadelik by die ski oord gaan aflaai het, het ek ons bagasie gaan aflaai en die kar gaan parkeer. Ek het saam met omtrent 15 jong skiërs gewag vir die trok wat ons weer na die bokant van die berg sou neem. Ek het ‘n jong meisie wat in haar twintigs was, in die groep opgemerk. Toe sy vir my kyk, kon ek die onmiskenbare teken van breinskade in haar oë herken. Sy het vreemd opgetree en aanhoudend die frase ‘wie ook al’ herhaal. Die ander jong skiërs het gelag en hulle oë gerol.

Toe het ek ‘n man langs haar opgemerk wat haar pa moes wees. Hy het die reaksies van die ander jong skiërs opgemerk en gesê: ‘Ja, my skat, wie ook al.’ Die deernis in sy stem en sy optrede het gelyk of dit sê: “Ja, dis waar. Haar vaardighede is beperk. Sy sal nie liedjies of boeke skryf nie. Ons het die beste wat ons kon, vir haar gedoen. Maar ek wil hê dat julle iets moet weet – dis my dogter en ek is lief vir haar. Sy is my hele wêreld. Ek is nie skaam om haar pa te wees of om saam met haar gesien te word nie. ‘Ja, my skat, wie ook al!'”

Dobson sê dat hy vir die Here om verskoning gevra het omdat hy oor sy kinders gekla het en uitgesien het om hulle bo-op die berg styf teen hom vas te druk.

Sielskos: Jos 19:24-21:45; Joh 18:1-11; Ps 148:7-14; Spr 29:16-21