Jou droomhuis (3)

Wanneer jy aan jou droomhuis dink, ontstaan daar nog twee vrae. Hoe naby is dit aan waar ek werk? Het jy al ooit gewonder wat ons in die hemel gaan doen? Omdat die hemel die nuwe Paradys sal wees, lees die volgende: “God het hulle geseën deur te sê: ‘Wees vrugbaar en vermeerder en vul die aarde. Onderwerp die aarde en heers oor die visse van die see, die voëls in die lug en oor al die diere op die aarde'” (Genesis 1:28 NLV). Die Bybel voorsien ons nie van spesifieke werksbeskrywings oor wat ons in die hemel gaan doen nie, maar die eerste Paradys gee ons twee belangrike leidrade: a) ‘Wees vrugbaar en vermeerder.’ Jy sal nie sukkel om jou rekeninge te betaal nie. Jy sal nie teleurstelling of vertrapte drome ervaar nie. Elke droom en elke kreatiewe idee wat jy het, sal vervul word. b) ‘Onderwerp die aarde en heers.’ Ons sal dus tot leierskap- en bestuursposisies bevorder word. Daar is egter ‘n verskil! God het vir Adam gesê: ‘…Daarom vervloek ek die grond. Jou hele lewe lank sal jy met droefheid sukkel om ‘n bestaan daaruit te maak’ (Genesis 3:17 NLV). In Openbaring sê God egter: ‘Geen vervloeking van enigiets sal langer meer bestaan nie…’ (Openbaring 22:3 NLV). Hier is dus die vraag: Gaan jy hemel toe wanneer jy sterf? Is jy seker? Jy kan wees. Johannes het gesê: ‘Ek skryf hierdie dinge aan julle sodat julle met die wete kan leef dat julle nou reeds deel het aan die ewige lewe, julle wat aanhou glo in die persoon van die Seun van God’ (1 Johannes 5:13 NLV).

Sielskos: Eseg 1-4; Luk 19:28-40; Ps 111; Spr 19:18-20