Wanneer jy nie verstaan nie, vertrou op God

Terwyl Louisa Stead, haar man en hulle jong dogter ‘n piekniek op die strand geniet het, het hulle ‘n jong seun in die see opgemerk wat in die moeilikheid was. Toe mnr Stead hom probeer red, is hy deur die vreesbevange seun onder die golwe ingetrek en het hulle altwee verdrink terwyl Louisa en haar dogter hulpeloos van die strand af toegekyk het. In die dae van rou wat gevolg het, het Louisa begin skryf en die gevolg was ‘n gesang wat aan miljoene mense bekend is: ‘Tis so sweet to trust in Jesus, just to take Him at His word, just to rest upon His promise, just to know ‘Thus saith the Lord.’ I’m so glad I learned to trust Thee, precious Jesus, Saviour, friend; and I know that Thou art with me, wilt be with me to the end.’ Deur op Jesus te vertrou, het Louisa as sendeling na Suid-Afrika vertrek waar sy vir die volgende vyf-en-twintig jaar die Here gedien het. As jy vandag sukkel om God te vertrou, staan op die volgende Skrifgedeeltes: 1) ‘Die Here is goed. In tye van nood is Hy ‘n veilige vesting. Hy ken elke mens wat op Hom vertrou.’ 2) ‘U bewaar elkeen wat op U vertrou in vrede, die mense wie se gedagtes op U gerig is’ (Jesaja 26:3 NLV). 3) ‘God se pad is volmaak. Die Here se woorde is betroubaar. Hy beskerm dié wat by Hom skuil’ (2 Samuel 22:31 NLV). 4) ‘Hoe groot is die goedheid wat U weggebêre het vir hulle wat U dien, wat U voor die oë van die mense gee aan hulle wat op U vertrou’ (Psalm 31:20 NLV).

Sielskos: 1 Pet 1-5; Luk 13:18-35; Ps 119:65-72; Spr 17:23-26