Wees veerkragtig (1)

Soos bome wat in die wind buig, so verkry veerkragtige mense krag uit teenspoed, omdat hulle weet hoe om die volgende vyf dinge te doen: 1) Om geanker te bly. Salomo het gesê: ‘Twee is beter as een… As een mens val, kan sy vriend hom ophelp…’ (Prediker 4:9-10 NLV). Toe Barbara Smith se seun oorlede is, het sy ‘n ondersteuningsgroep begin om ouers in dieselfde situase byeen te bring. ‘Ons het mekaar gered,’ sê sy. 2) Om hulle innerlike monoloog te monitor. Let op hoe jy oor jou situasie praat. Wanneer jy agterkom dat jy negatief raak, probeer om dinge in lig van die Skrif te sien. God se Woord sê: ‘…Die boodskap is hier by jou, op jou lippe en in jou hart’ (Romeine 10:8 NLV), en ‘Die tong het mag oor dood en oor lewe…’ (Spreuke 18:21 NLV). In plaas daarvan om in vrees en woede rond te sit en te kla oor hoe jy daar gekom het, fokus op dit wat jy wel kan beheer – jou woorde! 3) Om die ligter oomblikke raak te sien. Salomo het gesê: “‘n Vrolike mens is soos goeie medisyne. ‘n Neerslagtige mens tap jou krag” (Spreuke 17:22 NLV). Toe Donna Goldman met veelvuldige sklerose gediagnoseer is, het sy aanhou skoolhou. ‘Ek laat die kinders met my krukke speel – solank hulle dit nie as wapens gebruik nie!’ het sy geskerts. 4) Om terug te gee. God bemoedig ons, ‘…sodat ons ook in staat sal wees om mense in al hulle swaarkry by te staan…’ (2 Korintiërs 1:4 NLV). Renee Weinhouse, wat fase 4 limfoomkanker oorwin het, sê: ‘Niks maak my gelukkiger as om ‘n pasiënt hoop te gee nie.’ 5) Om na hulself te kyk. ‘n Gesonde dieet en gereelde oefening help om areas in die brein wat vir stres ontvanklik is, te herstel.

Sielskos: 2 Kor 11:16-13:14; Luk 23:26-31; Ps 54; Spr 21:18-21