2017-09-09
Genesis 3:6 NLV
In Genesis, voor God vir Eva geskep het, het Hy vir Adam gewaarsku om nie van die verbode vrugte te eet nie. Dit was Adam se verantwoordelikheid om die waarskuwing aan sy vrou te kommunikeer. Duidelik het hy nie ‘n goeie werk daarvan gemaak nie. Hy het gevolglik sy werk verloor en hulle het hulle tuiste verloor. Let op, die Duiwel het eerste vir Eva met die idee om ongehoorsaam aan God te wees, genader. Waar was Adam terwyl Eva besig was om bedrieg te word? Hy was by haar. Hier is dus ‘n belangrike les te leer: Wanneer ‘n man nie na God luister en aan Hom gehoorsaam is nie, kan hy nie die leier wees wat sy vrou en familie nodig het nie. Terwyl Satan besig was om vir Eva te bedrieg, het Adam stil by hulle gestaan, in plaas van om te sê, ‘Dis nie reg nie. As ons nie die pad volg wat God vir ons uitgelê het nie, sal ons alles verloor.’ Die kwessie gaan nie oor wie is baas in die huwelik nie; dit gaan daaroor om die struktuur wat God geskep het te eer sodat almal in die familie in Sy seën kan wandel. Die Bybel sê dat Satan gekom het om ‘…te steel, dood te maak en te vernietig…’ (Johannes 10:10 NLV). Wanneer ‘n man werklik aan Christus onderdanig is, kan hy egter sy familie beskerm. As jy die man is, is dit tyd vir jou om op te staan en te doen wat reg is. As jy die vrou is, moet jy jou man aanmoedig om saam met God te stap, en hom laat weet dat dit ‘n eer en ‘n voorreg is om so ‘n man te volg.
Sielskos: Kol 3-4; Filem; Mark 11:12-26; Ps 78:17-31; Spr 23:26-28
2017-08-25
Spreuke 11:30 NLV
Die Bybel sê, ‘Hou op om die wêreld en die dinge van die wêreld lief te hê. As iemand die wêreld liefhet, is hy beslis ook nie lief vir die Vader nie’ (1 Johannes 2:15 NLV). Sommige van ons se optrede wys egter dat ons dink dat wanneer ons God meer lief het, beteken dit dat ons diegene rondom ons minder moet liefhê. Ons mag dalk ongemaklik rondom hulle voel, of nie weet hoe om met hulle te kommunikeer nie, of optree asof ons geestelik verhewe bo hulle is. Jy is egter geroep om vreugde aan ander mense te bring, nie om hulle te veroordeel nie. God het alreeds ‘n plek en tyd vir die oordeelsdag bevestig en jy gaan nie op die troon wees wanneer dit aanbreek nie! Jesus word ‘die Goeie Herder’ (Johannes 10:11) genoem, en die Griekse woord vir ‘goeie’ beteken letterlik ‘innemend, bekoorlik, aantreklik’. Christus was so innemend dat mense outomaties tot hom aangetrokke was. Is hulle tot jou aangetrokke? Jesus het gesê dat ons geroep is om die sout en die lig van die aarde te wees. Sout laat kos beter proe en lig wys vir mense die regte pad om te loop. Omdat hulle wys en innemend was, het Jesaja die profeet inspraak in die lewe van konings gehad, het die drie Hebreeuse kinders die Babiloniese politiek verander en het Josef Egipte van hongersnood gered. Ja, Satan is aan die werk om Christus uit Kersfees, gebed uit skole en God uit die regering te haal. Hy sal egter nie wen nie, en hy weet dit (sien Openbaring 12:12). Sy strategie is egter om ons te laat glo dat hy kan wen. Werk dus vandag daaraan om wys en innemend te wees sodat jy mense na Christus toe kan lei.
Sielskos: 2 Kron 29-31; Mark 7:24-37; Ps 119:145-160; Spr 22:14-16
2017-08-01
Genesis 2:15 NLV
Die Bybel sê dat God vir Adam in die tuin geplaas het om ‘dit te bewerk en te versorg.’ Dus moet jy selfs wanneer dit goed gaan in jou huislike omgewing, daaraan werk en dit versorg. Wanneer jy nie daarna omsien nie, sal selfs die beste tuin in die wêreld uiteindelik deur onkruid oorgroei word. Net so sal jou lewe tuis in die moeilikheid beland as jy al jou tyd en energie aan jou loopbaan bestee en niks vir jou huwelik en familie oorhou nie. Adam se werk was om sy huis te beskerm en te bewaar. ‘Teen wat?’ vra jy. ‘Het hy nie in die perfekte omgewing gewoon nie?’ Ja, maar die Satan was op die punt om op te daag en chaos te veroorsaak! Daar word gesê dat die duiwel in die detail is. As jy oplet, is die kans goed dat jy hom aan die werk in jou familie sal sien in areas waar daar stres en disfunksie is. Ons baklei en stry as paartjies, oortuig daarvan dat die ander persoon die probleem is. Dis wat die Duiwel wil hê ons moet dink! Hy weet dat jy nooit die ware probleem sal oplos as jy dink dat die persoon waarmee jy baklei, die probleem is nie. Jy het ‘n geestelike probleem wat deur jou selfsugtige natuur ontstaan het, wat Satan ‘n opening in jou huis gee. Die huwelik is deur God ingestel. As jy dus dinge uit God se oogpunt begin sien en volgens sy reëls begin optree, sal jy die produktiewe, doelgerigte en vredevolle verhouding hê wat Hy vir jou wil hê.
Sielskos: 1 Joh 1:1-3:10; Mark 1:9-20; Ps 78:40-55; Spr 20:4-6
Genesis 2:15 NKJV
The Bible says God put Adam into the garden “to work it and take care of it” (NIV). So even when you have a great home environment, you’ve still got to “work it and take care of it.” Left unattended, the best garden in the world will eventually turn into a weed patch. Similarly, if you devote all your time and energy to your career and none to your marriage and family, your home life will become a trouble zone. The Hebrew word for keep is the same as our English word meaning “to guard” or “protect.” Adam’s job was to guard and protect his home. “From what?” you ask. “After all, didn’t he live in a perfect environment?” Yes, but Satan was about to show up and wreak havoc! It’s been said that “the Devil is in the details.” Look closely, and chances are you’ll see him at work in your family in certain areas of dysfunction and stress. As couples, we fuss and fight, convinced that the other person is the problem. And that’s what the Devil wants us to think! He knows you’ll never solve the real problem when the person you’re fighting isn’t the real problem. You have a spiritual problem brought on by your selfish nature, which gives Satan an entry point into your home. Marriage was instituted by God. So when you see things from His viewpoint and start operating according to His rules, you’ll have the productive, purposeful, and peaceful relationship He wants you to have.
Soul food: 1 John 1:1-3:10; Mark 1:9-20; Ps 78:40-55; Prov 20:4-6
