Stop!

Is daar spasie in jou skedule vir onderbrekings? Een skrywer sê: ‘Jesus het gestop wanneer mense hulp nodig gehad het. Hy het onderbrekings as geleenthede om God se liefde te wys, gesien. Soos die Goeie Samaritaan, moet ons gereed wees om te stop vir iemand wat seer het. ‘Iemand wat… sy broers en susters sien gebrek ly, maar weier om ‘n helpende hand uit te steek – hoe is dit moontlik dat die liefde van God in daardie persoon woon?’ (1 Johannes 3:17 NLV). Wanneer Jesus uit liefde opgetree het, het die mense ‘…die hand van God gesien werk’ (Lukas 7:16 NLV). Chuck Swindoll skryf: ‘Die Een wie gesê het: ‘Wees stil en weet Ek is God!..’ (Psalm 46:11 NLV), moet seerkry wanneer Hy ons waansinnige, kompulsiewe, angstige bewegings aanskou. Jy kan egter verander. Hier is hoe jy dit doen. Erken dit. Erken dat jy te besig is en dat jy iets NOU daaraan moet doen. Ek het dit onlangs gedoen, en deur trane het my familie en ek brûe wat deur dorings oorgroei was, skoongemaak. Stop dit. Begin vandag om elke aktiwiteit wat nie absoluut noodsaaklik is nie, te weier. Klink dit genadeloos? Die horlosie is ook genadeloos. So ook jou gesondheid. Hou op om so belangrik te voel. Hulle sal iemand anders kry om op die komitee te sit. Handhaaf dit. Dis maklik om vinnig te begin en vinnig te vervaag. Paulus het vir die Galasiërs gesê: ‘Julle het so goed gevorder. Wie het julle gekeer om die waarheid te bly gehoorsaam? Die idee kom nie van Hom wat julle geroep het nie!’ (Galasiërs 5:7-8 NLV). Deel dit. Sodra jy begin om die voordele te geniet wanneer jy jou prioriteite herorden, vertel ander ‘aktiwiteit-verslaafdes’ daarvan.’ Hulle sal graag wil stop – as hulle net geweet het hoe.’

Sielskos: Klaag 1:1-3:39; Luk 18:18-30; Ps 119:169-176; Spr 19:9-10