Moenie jou kinders te na kom nie

As jy dit regkry om ‘n goeie lewe vir jouself te maak, maar nie daarin slaag om jou kinders te leer hoe om ‘reg’ te lewe nie, sal jou sukses leeg wees en sal jy eendag met spyt moet saamleef. Die gemiddelde kind bestee ses tot sewe ure elke dag op die internet, of om televise te kyk, of om met hulle portuurgroep om te gaan. Elke minuut daarvan is besig om hulle waardesisteem te skep en hulle in die persoon wat hulle eendag sal word, te vorm. Wees dus daar vir hulle!

As jy materiële dinge moet opoffer om hulle geestelik te ontwikkel, is dit ‘n ruilooreenkoms waaroor jy altyd goed sal voel. Dorothy Lawe Nolte het woorde geskryf wat elke ouer met hulle moet saamdra: ‘As ‘n kind met kritiek saamleef, leer hy om te oordeel. As ‘n kind met vyandigheid saamleef, leer hy om te baklei. As ‘n kind met bespotting saamleef, leer hy om skaam te wees. As ‘n kind met skaamte leef, leer hy om skuldig te voel. Maar, as ‘n kind met verdraagsaamheid lewe, leer hy om geduldig te wees. As ‘n kind met aanmoediging lewe, leer hy om selfvertroue te hê. As ‘n kind met bemoediging lewe, leer hy om te waardeer. As ‘n kind met regverdigheid lewe, leer hy geregtigheid. As ‘n kind met sekuriteit lewe, leer hy om geloof te hê. As ‘n kind met goedkeuring lewe, leer hy om van homself te hou. As ‘n kind met aanvaarding en vriendskap lewe, leer hy om liefde in die wêreld te vind.’

Salomo, wat self ‘n vader was, het dit as volg gestel: ‘Ek sal baie bly wees, my kind, as jy ook ‘n wyse mens word…’

Sielskos: Hab 1-3; Joh 5:1-15; Ps 15; Spr 24:7