Los die oordeel vir die regter (1)

Oordeel is soos asemhaal – dit gebeur natuurlik. Soms is die ergste kritici Christene wat die Skrif as wapen gebruik. Indien jy dus die een is wat geoordeel word, probeer om die volgende vier dinge te onthou:

1) Wys nederigheid. As jy skuldig is, bely dit aan God, jouself en die gepaste mense. Belydenis bring eerlikheid en geestelike groei mee (sien 1 Johannes 1:9).

2) Ken jou Bybel. Satan het die Skrif uit konteks gebruik om Jesus te probeer versoek, maar Jesus het die konteks geken en nie daarvoor geval nie (sien Lukas 4:1-13). Wanneer die Bybel uit konteks aangehaal word, onthou dat God dit nie op jou mik nie. Wanneer jy tereg deur God se Woord geoordeel word, moenie wanhopig word nie; dit beteken nie dat Hy vir jou kwaad is nie. Hy is lief vir jou: ‘Die Here dissiplineer juis die mense vir wie Hy lief is; Hy tug elkeen wat Hy as sy kind aanneem.

3) Moenie aangehits word om jouself te probeer regverdig nie. Mense wat oordeel is nie in feite geïnteresseerd nie – hulle wil net goed oor hulself voel deur jou sleg te laat voel. Kies jou gevegte versigtig en moenie tyd op die onbelangrike mors nie. Paulus het as volg teenoor sy kritici gereageer: ‘…Dis vir my werklik nie belangrik hoe julle of enige menslike regbank my beoordeel nie…’ (1 Korintiërs 4:3 NLV).

4) Moenie by die jurie aansluit nie. As God jou nie skuldig vind nie, moenie jouself oordeel nie. Volg Paulus se voorbeeld: ‘…Ek vertrou selfs nie eers my eie oordeel in hierdie opsig nie!’ (vers 3 NLV). As jy verkeerd is, bely dit en korrigeer dit met hulp van God se genade. Besluit dan om jou lewe sonder veroordeling te lei.

Sielskos: 2 Pet 1-3; Joh 5:31-47; Ps 126; Spr 24:10