Jy kan dit wat jy verloor het, terugkry!

Toe Dawid en sy manskappe weg was om oorlog te maak, het die Amalekiete hulle huise vernietig en hulle families gevange geneem. Eerstens het Dawid se manskappe gehuil. Tweedens het hulle na Dawid vir leiding gedraai. Derdens het Dawid God se wil gesoek, deur te vra: “…’Moet ek hulle agternasit? Sal ek hulle inhaal?’ En die Here het geantwoord: ‘Ja, agtervolg hulle. Jy sal hulle sekerlik inhaal en alles terugkry wat van jou geneem is.'”

Let vier belangrike punte op: 1) Satan sal jou geliefdes aanval om jou by te kom. Dit mag dalk iets groots wees soos jou man wat sy werk verloor of jou vrou wat ‘n knop in haar bors ontdek, of dit kan kleiner goed soos familiespanning of ‘n gebrek aan bedagsaamheid teenoor mekaar, wees. Jy moet waaksaam bly en Satan se aanvalle kan herken, sodat jy jouself teen hulle kan verdedig.

2) Wees lief vir mense, maar maak slegs op God staat. Die mense rondom Dawid het die een dag nog saam met hom geveg, en die volgende dag hul rug op hom gedraai. Dis hoekom jou krag, strategieë en oplossings van God en nie van ander mense af nie, moet kom.

3) Praat op die regte manier met jouself. As jy moedeloos wil wees, praat oor jou situasie. As jy moed wil skep, praat met die Een wat jou situasie kan oplos – die Here. Die Bybel sê: ‘Vriendelike woorde bring lewe…’ (Spreuke 15:4 NLV). Leer dus om op die regte manier met jouself te praat.

4) Jy kan dit wat jy verloor het, terugkry. God het vir Dawid gesê: ‘…Ja, agtervolg hulle. Jy sal hulle sekerlik inhaal en alles terugkry wat van jou geneem is.’ Wat God daardie dag vir Dawid en sy manne gedoen het sal Hy vir jou ook doen, mits jy sy wil soek.

Sielskos: Sag 1-4; Joh 20:10-18; Ps 57; Spr 30:24-28