Hanteer vrees (3)

Vrees kan verwoestend wees, omdat vrees nog meer vrees kweek. Die verraderlikste eienskap van vrees is sy vermoë om te oordryf. C. Everett Koop, die voormalige chirurg-generaal van Amerika, het opgemerk: ‘Mense het eenvoudig ‘n onvanpaste sin van wat onveilig is.’

Vrees jy dit om te vlieg? Die feit is dat jy waarskynliker aan ‘n stukkie kos sal verstik as wat jy in ‘n vliegtuigongeluk sal sterf. Is jy bang om in ‘n rooftog te sterf? Dis twee keer meer waarskynlik dat jy sal sterf terwyl jy sport beoefen as wat jy deur ‘n vreemdeling doodgesteek sal word. Is jy bang vir haaie? Elke jaar maak varke meer mense dood as wat haaie doen. Is jy bang om ‘n operasie te ondergaan? Jy is sestien keer meer blootgestel om in ‘n motorongeluk as van chirurgiese komplikasies te sterf.

Die situasies wat ons vrees gebeur selde. Ons roep in ons gedagtes rampe op wat heel waarskynlik nooit sal plaasvind nie. Wanneer dit nie gebeur nie, dink ons: ‘Sjoe, dit was nou amper!’ Die waarheid is dat ons gedagtes die enigste ding is wat potensiële gevaar vir ons skep.

Hoe moet jy dus jou vrese hanteer? Deur die waarheid van hierdie Skrifgedeelte uit te oefen: ‘Hierdie volk weet dat die Here hulle sal help. U sal hulle laat rus en vrede vir hulle gee, want hulle glo in U. Julle moet altyd in die Here glo, want as julle by Hom is, dan is julle by ‘n rots wat altyd vas staan. (Jesaja 26:3-4 ABA).

Sielskos: Job 15-17; Matt 23:23-39; Ps 19; Spr 8:6-7