God het jou reeds alles gegee wat jy nodig het

God het jou nie net verlos en jou geroep om Hom te dien nie, Hy het jou ook toegerus. Alles wat jy nodig het om jou taak te vervul is reeds tans in jou lewe; wagtend vir jou om dit te herken. Gedurende die dae van die stormloop vir goud in Kalifornië, het ‘n jong paartjie obsessief oor die soeke na goud geword. Hulle het hulle plaas en al hulle besittings verkoop en na die weskus gereis om dit te gaan soek. Na vele mislukkings het hulle bankrot gespeel en na Europa verhuis. Baie jare later het hulle na Amerika teruggekeer en besluit om hulle ou plaas te besoek. Toe hulle egter daar aankom, was dit deur sekuriteitswagte en ‘n hoë draadheining omring. Toe hulle vra wat aangaan, het hulle ontdek dat hulle ou plaas op die tweede grootste goud reserwe in Amerika lê – en dit was nou in die regering se besit. God het hulpbronne en mense reg rondom jou geplaas wat jy nie opmerk nie. Sommige van die grootste gawes in jou lewe moet nog herken word, omdat hulle nog saadjies is. As jy hulle nie herken nie, kan dit jou duur te staan kom. Paulus het aan die gelowiges in Efese geskryf, ‘Mag God julle harte so verlig dat julle sal insien watter wonderlike vooruitsig sy roeping inhou…’ (Efesiërs 1:18 NLV). Dawid het gebid, ‘Maak oop my oë sodat ek die wonders kan sien wat opgeskryf is in u gebooie’ (Psalm 119:18). Soms kan jy nie die woud van bome sien nie. Daar is skatte in jou en rondom jou wat jy nooit sal sien totdat God dit aan jou openbaar nie. Hy sal dit doen, as jy Hom soek.

Sielskos: Job 18-20; Luk 1:57-66; Ps 47; Pred 10:1-4