Hou jou gewete skoon

Paulus skryf: ‘…my gewete, bekragtig deur die Heilige Gees, bevestig dat wat ek nou gaan sê die waarheid is.’ Let op dat wanneer die Heilige Gees met jou gewete praat, twee dinge gebeur. Eerstens, verhelder Hy jou hart met die waarheid. Tweedens, wys Hy jou wat om te doen. Sommige dinge mag dalk ‘reg’ vir ander mense, maar ‘verkeerd’ vir jou wees. Hoekom? Omdat God ‘n spesifieke plan vir jou lewe het en Hy wil nie hê dat jy negatief beïnvloed moet word of die pad byster moet raak nie.

Lees die volgende Skrifgedeeltes en dink met gebed oor hulle na: ‘Daarom doen ek ook my uiterste bes om altyd ‘n skoon gewete voor God en die mense te hê’ (Handelinge 24:16 NLV). ‘Hou styf vas aan jou geloof in Christus, en hou altyd jou gewete skoon. Want sommige mense het opsetlik hulle gewete onderdruk, en as gevolg daarvan het hulle geloof skipbreuk gely’ (1 Timoteus 1:19 NLV). ‘Hulle moet verbind wees aan die geopenbaarde waarhede van die Christelike geloof, en hulle moet met ‘n skoon gewete leef’ (1 Timoteus 3:9 NLV). ‘Bid vir ons. Ons glo dat ons gewete skoon is, want ons probeer om in alle omstandighede reg op te tree’ (Hebreërs 13:18 NLV).

As verloste kind van God, verloor jy jou sin van vrede en vreugde en word jy ongemaklik in jou eie vel, wanneer jy opsetlik sondig en nie berou daaroor het nie. Die woord vir jou vandag is dus – hou jou gewete skoon.

Sielskos: Gen 17-19; Matt 17:14-27; Ps 40:9-17; Spr 6:6-8